У Смаргонскім райвыканкаме так рыхтаваліся да свята, што скарацілі сабе рабочы дзень да 2 гадзін
Сёння па рабочых пытаннях журналіст «Нашай Нівы» пазваніў у Смаргонскі райвыканкам.
Мы трохі здзівіліся, калі замест сакратара па нумары, пазначаным на сайце, нам адказаў дзяжурны міліцыянер.
Вось стэнаграма размовы:
— Райвыканкам, пост аховы.
— Гэта тэлефануюць з газеты «Наша Ніва». Як звязацца з прыёмнай? Гэты нумар пазначаны на сайце.
— Райвыканкам да двух рабіў сёння.
— А што ў іх за свята сёння, прабачце?
— Сёння скарочаны дзень. Перадсвяточны.
Званок быў зроблены намі а 16-й гадзіне 7 сакавіка.