Севярынца будуць судзіць а 15-й
Сустаршыню Беларускай хрысціянскай дэмакратыі Паўла Севярынца, які быў затрыманы 12 сакавіка пасля акцыі пратэсту ў Оршы, будуць судзіць у Аршанскім судзе а 15:00.
Як паведаміла маці палітыка, каардынатар БХД па Віцебскай вобласці Таццяна Севярынец, ні ў судзе, ні ў ізалятары часовага ўтрымання доўгі час не ведалі яго месцазнаходжанне.
Паводле яе, адвакат Вадзім Мушынскі ўжо нават напісаў звароты ў суд пра недапушчальнасць якіх-небудзь закрытых судовых паседжанняў у дачыненні Паўла Севярынца і журналісткі «Белсата» Кацярыны Андрэевай, інтарэсы якіх ён прадстаўляе.