Журналістка Галіна Абакунчык аштрафаваная на 25 базавых
13 сакавіка ў Оршы прайшлі суды над затрыманымі на Маршы недармаедаў журналістамі і актывістамі.
Абакунчык разам з журналісткай «Белсата» Кацярынай Бахвалавай (Андрэевай) і Паўлам Севярынцам затрымалі ў Оршы падчас Марша недармаедаў 12 сакавіка.
Суд вырашыў пакараць журналістку штрафам 25 базавых велічыняў (575 рублёў).
«Гэта робіцца, каб напалохаць людзей — каб яны не выходзілі на Маршы», - паведаміла Галіна Абакунчык у каментары тэлеканалу «Белсат».