На аператара «Белсата» склалі пратакол і збіраліся везці на Акрэсціна, але раптоўна вызвалілі
Аператара «Белсата» Аляксандра Любенчука затрымалі падчас вобшуку ў офісе тэлеканала на вуліцы Кастрычніцкая ў Мінску. Аляксандр паспеў крыкнуць калегам, што яго павязуць у Першамайскі РУУС. У РАУСе журналіста пратрымалі больш за пяць гадзін, паведамляе БАЖ.
У выніку стала вядома, што ў Першамайскім РУУСе на аператара тэлеканала «Белсат» склалі праткол за нецэнзурную лаянку. Быццам бы Аляксандр Любенчук брудна лаяўся непасрэдна ў аддзяленні міліцыі (дробнае хуліганства, артыкул 17.1 КаАП).
Алеся Любенчука ўжо збіраліся везці на Акрэсціна, але а 19 гадзіне раптоўна вызвалілі з міліцыі. Калі адбудзецца суд над журналістам, яму не паведамілі.