Скончыў жыццё самагубствам 31-гадовы менеджар прадпрыемства з сістэмы «Інтэграла»
удакладнена
29 сакавіка каля 19 гадзін у сталярным цэху знайшлі павешаным 31-гадовага намесніка начальніка адной са структур, якая ўваходзіць у ААТ «Інтэграл». Пра гэта паведамляюць чытачы.
Цела выявіла маці загінулага, якая таксама працуе на заводзе. Вядома, што ў мужчыны засталіся жонка і маленькая дачка.
У Следчым камітэце пацвердзілі дадзеную інфармацыю.
«УСК па Мінску праводзіць даследчую праверку па факце смерці работніка завода. У ходзе агляду прыкмет гвалтоўнай смерці не выяўлена», — заявіў афіцыйны прадстаўнік УСК па Мінску Аляксей Клімовіч.
Высвятляюцца абставіны здарэння, следчыя апытваюць калегаў і сваякоў. Прызначаны шэраг экспертыз.