Беларусаў чакае другое нашэсце бонсцікаў
21 красавіка на ютуб-канале бонсцікаў з’явіўся новы анімацыйны мульт — пасланне беларусам, што варта чакаць вяртання гумовых пачварак.
З роліка зразумела, што персанажы будуць іншыя, праўда, новыя вобразы пакуль не праглядаюцца.
Маштабная акцыя з бонсцікамі-1, якую праводзіла сетка «Еўраопт», скончылася 9 красавіка. За два месяцы кампанія распаўсюдзіла мільёны пачварак-ліпучак, якія калекцыянавалі дзясяткі тысяч беларусаў па ўсёй краіне. Адны ўспрымалі гэта як свята, іншыя — абураліся навязлівасці.