Navi — у фінале «Еўрабачання»!
віншуем!
фота Andres Putting/Eurovision.tv
Па выніках галасавання ў другім паўфінале «Еўрабачання-2017» Беларусь трапіла ў лік краін-пераможцаў!
Гэта значыцца, што беларусам будзе за каго перажываць 13 мая, у дзень фінала спеўнага конкурсу.
NaviBand — гэта Ксенія Жук і Арцём Лук’яненка. А таксама бліскуча выкананая імі «Гісторыя майго жыцця». Упершыню ўдзельнікі ад нашай краіны спяваюць па-беларуску.
Чытайце таксама: Пяць фактаў пра гурт Navi
Іншымі пераможцамі другога паўфінала сталі Балгарыя, Харватыя, Венгрыя, Данія, Ізраіль, Румынія, Нарвегія, Нідэрланды і Аўстрыя.
Падрабязных вынікаў галасавання — хто каму аддаваў балы — пакуль няма, яны стануць вядомыя ў ноч пасля фінала.