Паліцыя Манчэстэра назвала імя падазраванага ва ўчыненні тэракту
Ва ўчыненні выбуху на «Манчэстэр Арэне» ў Вялікабрытаніі падазраецца мясцовы жыхар Салман Абедзі, паведаміў кіраўнік гарадской паліцыі Іан Хопкінс.
«Мы падазраём 22-гадовага Салмана Абедзі. Аднак мы не атрымалі яшчэ пацверджання каранера, так што больш мы нічога з гэтай нагоды не каментуем», — сказаў Хопкінс.
Паліцыя лічыць, што Абедзі нарадзіўся ў Манчэстэры, а яго сям'я была родам з Лівіі, піша ВВС.