У Нью-Ёрку прайшоў мітынг салідарнасці з затрыманымі па справе «Белага легіёна»
28 мая каля Генеральнага консульства Беларусі ў Нью-Ёрку Бруклінскім аддзелам БАЗА быў зладжаны мітынг салідарнасці з беларускімі палітзняволенымі. З прамовай выступіў Зянон Пазьняк. Ён заявіў, што нядаўна заведзеныя справы супраць удзельнікаў клубу «Патрыёт» і колішняй арганізацыі «Белы легіён» з'яўляюцца сфабрыкаванымі з мэтай дагадзіць Маскве і ізаляваць найбольш свядомых і здольных да супраціву грамадзян Беларусі.