Самы вялікі кот у свеце, імаверна, жыве ў Фінляндыі ФОТАФАКТ
Кот пароды мэйн-кун, які пражывае са сваімі гаспадарамі ў Туусула, імаверна, з'яўляецца самым вялікім катом у свеце. Па дакументах яго завуць Бонд, але ўсе ласкава яго клічуць Пікіс («Малы»), што з'яўляецца скарачэннем ад Pikkukissa.
Па словах гаспадара жывёлы Яна-Эрыка Брууна, у даўжыню Пікіс дасягае 120 сантыметраў, а яго вага — 16 кілаграм.
На дадзены момант афіцыйны тытул самага вялікага ў свеце ката носіць мэйн-кун Луда, які пражывае ў Брытаніі (118 см у даўжыню і 11 кілаграмаў жывой вагі).
Па характары Пікіс - лагодны і ласкавы кот, які любіць спаць на сонейку і з ахвотай дазваляе ўсiм жадаючым гладзіць і чухаць яго.