Беларусь на жылах вырвала перамогу ў Балгарыі дзякуючы фенаменальнаму голу Паўла Савіцкага ВІДЭА
Зборная Беларусі па футболе атрымала доўгачаканую перамогу ў матчы адборачнага цыкла да чэмпіяната свету—2018.
У барысаўскім матчы супраць зборнай Балгарыі наша каманда перамагла з лікам 2:1.
У Беларусі на 33-й хвіліне з пенальці забіў Міхаіл Сівакоў, а на 80-й — Павел Савіцкі.
Балгары адказалі голам Кастадзінава на апошняй хвіліне матча.
Зборная Беларусі пад кіраўніцтвам Ігара Крывушэнкі атакавала надзвычай мала. Валоданне мячом — 38:62 на карысць Балгарыі. Па ўдарах прапорцыя таксама не самая прывабная — 9:20, зноў-такі не на нашу карысць.
Упрыгожваннем вечара стаў фенаменальны гол Паўла Савіцкага. Яго можна пераглядаць бясконца.