Мужчына на вачах у дзяцей павесіў сабаку, які ўкусіў яго дачку
Бацька дзяўчынкі, якую ўкусіў сабака, вырашыў пакараць жывёлу смерцю. Цяпер яму пагражае крымінальная справа.
У адным з двароў Мазыра мясцовая дзяўчынка дражніла бяздомнага сабаку. Па словах іншых дзяцей, невялікі дварняга, які да гэтага быў цалкам прыязным, укусіў дзіця. Дзяўчынка заплакала і пабегла дадому.
Пасля гэтага выйшаў яе бацька. Паклікаў сабаку, той падышоў. Мужчына дастаў кабель, абматаў сабаку шыю і пацягнуў да рова, на вачах у мясцовай дзятвы, пачаў душыць. Калі сабака перастаў падаваць прыкметы жыцця, скінуў сабаку ў роў.
Пасля мужчына ўсё ж выцягнуў сабаку — і павесіў жывёлу на дрэве.
Мясцовыя хлапчукі плакалі і прасілі памілаваць жывёлу, але іх просьбы аб літасці ніхто не пачуў, паведамляе мясцовы тэлеканал «Мазыр».
Калі мужчына сышоў, хлопцы выратавалі сабаку. Разам з дарослымі адвезлі яго ў прытулак. Па словах работнікаў, сабака быў у непрытомным стане, зламаная задняя лапа проста матлялася. У заяве аб прыёме дварнягі ў пункт часовага знаходжання жывёл так і пазначана — сусед павесіў сабаку на дрэве ў двары дома.
Цяпер сабака на каранціне. Дарослыя сведкі гэтага інцыдэнту напісалі заяву ў міліцыю. Праваахоўнікі праводзяць праверку.