Банкаўскія карткі могуць не працаваць ноччу 24 чэрвеня
Банкаўскі працэсінгавы цэнтр 24 чэрвеня з 2.00 да 6.00 будзе праводзіць тэхналагічныя работы па мадэрнізацыі сістэмы захоўвання даных, паведамляецца на сайце цэнтра.
У гэты прамежак часу магчымыя кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі Банкаўскага працэсінгавага цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў, якія абслугоўваюцца банкамі, падключанымі да апаратна-праграмнага комплексу працэсінгавага цэнтра.