У Мінску перабоі са святлом, у цэнтры не хадзіў электрычны транспарт

абноўлена

Каля 16.00 спыніўся электрычны транспарт у раёне вуліц Куйбышава—Сурганава, паведаміў афіцыйны твітар МНС.

На Куйбышева остановилось троллейбусное движение и не работают светофоры. pic.twitter.com/G3K3ZM2YfB

— 112.by МЧС Беларуси (@112by) 31 июля 2017 г.

Пазней карыстальнікі сацсетак сталі паведамляць пра адключэнне электрычнасці ў будынках і непрацуючыя святлафоры на вуліцах Някрасава, Бангалор, Арлоўская, Коласа, Харужай, Старавіленскі тракт.

Як паведамілі ў МНС, на трансфарматарнай падстанцыі на вуліцы Карастаянавай адбылося кароткае замыканне электрашчыта. На месцы працуюць рамонтныя брыгады.

Короткое замыкание элеткрощита. Пожара как такового нет, наши дежурят на месте, готовы помочь энергетикам. https://t.co/4Ia0YJLi9N

— 112.by МЧС Беларуси (@112by) 31 июля 2017 г.

Таксама адбылося адключэнне электраэнергіі на падстанцыі 110\10 кВ «Старажоўская», паведамілі ў «Мінскэнерга».

Уважаемые потребители! В городе Минске имеет место отключение электроэнергии на подстанции 110\10 кВ "Сторожёвская". Причины выясняются.

— РУП Минскэнерго (@minskenergo) 31 июля 2017 г.

Як паведамілі ў ДП «Мінсктранс», рух тралейбусаў і трамваяў быў адноўлены ў 17.50.

Пазней у МНС паведамілі, што адключэнні электрычнасці ў Мінску не звязаныя з інцыдэнтам на трансфарматарнай падстанцыі.

Як растлумачылі ў ДВА «Белэнерга» каля васьмі гадзін вечара, першапрычынай адключэнняў стала правядзенне няўзгодненых земляных работ арганізацыяй «Мінскрамбуд» у ахоўнай зоне кабельнай лініі 10 кВ і парыў гэтай кабельнай лініі, з прычыны якога адбылося кароткае замыканне.

Аднаўленне электразабеспячэння чакаецца на працягу паўтары-дзвюх гадзін.

Каментары да артыкула