У Жлобіне за суткі выпала 56% месячнай нормы ападкаў
Пра гэта паведаміла БелТА метэаролаг Святлана Рыбакова.
«На большай частцы тэрыторыі Беларусі 6 жніўня прайшлі дажджы. Па паўднёва-ўсходняй — адзначаліся навальніцы і моцныя залевы. Больш за ўсё ападкаў выпала ў Жлобіне — 34 мм, што складае 56% месячнай нормы ападкаў. Інтэнсіўныя дажджы прайшлі ў Бабруйску: там выпала 25 мм ападкаў, што складае 43% месячнай нормы», — сказала сіноптык.