Жыхар Віцебска напаў з нажом на дзяўчыну, якая адмовілася з ім пазнаёміцца
11 жніўня двое мужчын адпачывалі на Віцьбе. Яны выпілі і захацелі працягнуць вечар у кампаніі дзяўчат, якія адпачывалі побач, але атрымалі адмову.
Адзін з мужчын вырашыў выкарыстаць нож у якасці аргумента.
На шчасце, мужчыну не ўдалося нанесці сур'ёзных раненняў пацярпелай.
На месца выклікалі міліцыю. 57-гадовага мужчыну, які раней ужо быў судзімы, затрымалі. Цяпер высвятляюцца ўсе абставіны здарэння.