У Ціхім акіяне прадаецца прыватная выспа з уласным каралавым рыфам
Малюсенькі трапічны востраў Кастэвей у паўднёвай частцы Ціхага акіяна з уласным асабняком плошчай 500 кв. м. і белымі пясчанымі пляжамі паступіў у продаж за 1,6 млн даляраў.
Востраў належыць ціхаакіянскай дзяржаве Рэспубліка Вануату ў Меланезіі і знаходзіцца прыкладна за 2000 км на ўсход аб аўстралійскага Брысбена, піша The Daily Mail. Гэта значыць, дабрацца туды будзе няпроста, але затое на Кастэвей чакае па-сапраўднаму райская адзінота.
Рыэлтары з Private Islands Inc падкрэсліваюць, што на востраве плошчай крыху больш гектара няма ні маскітаў, ні якіх-небудзь іншых насякомых, ні змей, ні іншых небяспечных дзікіх жывёл.
Прасторны дом на востраве максімальна добраўпарадкаваны, на беразе ёсць абсталяваны прычал. У бірузовай вадзе непадалёк ад берагоў — сапраўдны каралавы рыф.