Прынцэса Японіі заручылася з прасталюдзінам-аднакурснікам
Прынцэса Мака, найстарэйшая з унучак і ўнукаў цяперашняга імператара Японіі Акіхіта, афіцыйна заручаная з былым аднакурснікам. Пра гэта ў нядзелю абвясціла кіраўніцтва справамі імператарскага двара Японіі.
Першапачаткова аб'яву аб заручынах павінны былі зрабіць 8 ліпеня, але яго адклалі ў сувязі са стыхійным бедствам на паўднёвым захадзе краіны, якое прывяло да чалавечых ахвяр і маштабных разбурэнняў.
Мяркуецца, што вяселле адбудзецца налета, дата яго правядзення яшчэ не абвешчаная. Пасля гэтага па законе Мака страціць свой тытул і ператворыцца ў простую японскую грамадзянку.