«Марыя» цалкам абясточыла Пуэрта-Рыка: без электрычнасці сядзіць амаль усё насельніцтва
Пуэрта-Рыка цалкам абясточана пасля сустрэчы з ураганам «Марыя». Ён абрынуўся на востраў, аслабеўшы да 4-ай катэгорыі, але застаўшыся ўсё яшчэ магутным: хуткасць ветру дасягала 250 км/г, піша Еўраньюс.
Мясцовыя ўлады кажуць, што для аднаўлення электразабеспячэння спатрэбіцца ад 4 да 6 месяцаў.
Між тым без электрычнасці засталіся каля 3,5млн чалавек: практычна ўсё насельніцтва вострава, які мае статус дзяржавы, свабодна асацыяванай з ЗША.