$200 тысяч за помач у пошуках Шагала
Паліцыя Лос-Анжэласу дае вялікую ўзнагароду за дапамогу ў адшуканьні карцінаў. Два тыдні таму тузін найкаштоўнейшых твораў, сярод якіх “Сяляне” Марка Шагала, быў скрадзены з кватэры лос-анжэласкіх пэнсіянэраў. Старыя ўсё жыцьцё гандлявалі нерухомасьцю, зьбіраючы грошы на карціны.
Паводле ацэнкі экспэртаў, сапраўдны іх кошт сягае некалькіх мільёнаў. “Гэта сусьветныя шэдэўры, - зазначыў Рычард Райс, галоўны кансультант мастацкай галерэі “Майкл” на Бэвэрлі-Хілз, - Кожны зь іх варты быць выстаўленым у любым з найлепшых музэяў сьвету”.