Трэнер зборнай Беларусі пра затрыманага са сцягам заўзятара: Неадэкватнае пакаранне
Напярэдадні адборачнага матчу ЧС-2018 супраць галандцаў рулявы зборнай Беларусі Ігар Крывушэнка разам з абаронцам нацыянальнай дружыны Сяргеем Паліцэвічам правялі прэс-канферэнцыю. Сярод іншага яны адказалі на пытанне пра заўзятара, які выбег на поле на матчы БАТЭ — «Арсенал»:
— У чалавека, напэўна, было жаданне неяк самасцвердзіцца, здзейсніць нейкі ўчынак на вачах вялікай колькасці людзей. Ён гэта зрабіў. Як гаворыцца, гэта справа кожнага. Адзінае, можа, трошкі неадэкватнае пакаранне было. Ну, а як да гэтага ставіцца? Як да часткі жыцця. Па-іншаму не паставішся, — патлумачыў галоўны трэнер беларускай зборнай па футболе.
***