У бізнэс-парку Мэрыленда адбылася страляніна, ёсць параненыя
Прынамсі пяць чалавек пацярпелі ў выніку страляніны ў горадзе Эджвуд на паўночным усходзе амерыканскага штата Мэрыленд, паведамляюць інфармагенцтвы.
FOX
Паводле паведамлення мясцовага шэрыфа, паранена не менш за пяць чалавек. Стрэлы прагрымелі на тэрыторыі бізнэс-парку Эмартан, на паркінгу каля рэстарана хуткага харчавання.
Паліцыя шукае невядомага зламысніка, які ўцёк з месца здарэння. Вучням пяці школ, якія знаходзяцца паблізу, забаранілі пакідаць навучальныя ўстановы.