У Харкаве 20-гадовая дзяўчына на «Лексусе» збіла на пераходзе пешаходаў: загінулі шэсць чалавек
newsroom.kh.ua
У Харкаве (Украіна), вечарам 18 кастрычніка, на вуліцы Сумскай, аўтамабіль «Лексус» вылецеў на тратуар і перакуліўся.
Па папярэдніх дадзеных, аўто праехала на чырвоны сігнал святлафора і сутыкнулася з «Фальксвагенам Туарэг». Менавіта з прычыны гэтага ўдару «Лексус» выехаў на ходнікі.
У выніку ДТЗ загінулі 6 чалавек, яшчэ 6 атрымалі раненні рознай ступені цяжкасці, сярод іх дзве жанчыны знаходзяцца ў вельмі цяжкім стане.
Паводле папярэдняй інфармацыі, аўтамабіль вылецеў на тратуар, дзе на пешаходным пераходзе стаялі людзі і чакалі зялёнае святло, каб перайсці вуліцу.
Паліцыя Харкава распачала крымінальную вытворчасць. За парушэнне правілаў дарожнага руху, прадугледжана пакаранне — зняволенне тэрмінам ад 7 да 12 гадоў. Паліцыя называе імя дзяўчыны — Алена Зайцава.
***