У Мюнхене мужчына напаў на мінакоў з нажом
Паліцыя нямецкага Мюнхена затрымала падазраванага ў нападзе з нажом у раёне плошчы Разэнхаймер Пляц, паведамляюць інфармагенцтвы.
Паліцыя праводзіць допыт падазраванага. Нацыянальная прыналежнасць і сацыяльны статус мужчыны пакуль не раскрываюцца. Па інфармацыі праваахоўных органаў, ён дзейнічаў адзін, саўдзельнікаў не было.
Пры нападзе з нажом на ўсходзе Мюнхена пацярпелі чатыры чалавекі, іх жыццю цяпер нішто не пагражае. Таксама нападнік спрабаваў нанесці ўдары яшчэ двум мінакам.