Пад Мінскам адкрылі помнік 470-годдзю вёскі Гарадзішча
Вёска названая так у гонар легендарнага гарадзішча на рацэ Менка, дзе ў ХІ стагоддзі ўзнік горад Мінск.
Сама ж вёска адносіцца да часоў Жыгімонта і ўпершыню згадваецца ў Метрыцы ВКЛ у 1547 годзе.
Жыхары вёскі, натхнёныя круглай датай, па сваёй ініцыятыве ўсталявалі памятны знак. Выканаў яго вядомы беларускі скульптар Ігар Засімовіч.