Расія закупіла да ЧС па футболе больш за тысячу аўтобусаў МАЗ
МАЗ за тры гады паставіў больш за 1000 аўтобусаў у расійскія гарады, якія з 14 чэрвеня па 15 ліпеня 2018 года будуць прымаць чэмпіянат свету па футболе, паведамілі «Нашай Ніве» ў прэс-службе прадпрыемства.
Аўтобусы МАЗ да сусветнага чэмпіянату закупілі 10 расійскіх гарадоў. У Маскву пастаўлена 279 адзінак тэхнікі, Санкт-Пецярбург — 222, Калінінград — 136, Самару — 133, Растоў-на-Доне — 123, Казань — 108, Екацерынбург — 62, Уладзімір — 55, Сочы — 6, Валгаград — 4.
Падчас спаборніцтваў пасажырскую тэхніку плануюць выкарыстоўваць для перавозкі заўзятараў, а ў астатні час — на гарадскіх і прыгарадных маршрутах.