Расійскі «Першы канал» выкарыстаў скрыншот з камп'ютарнай гульні ў сюжэце пра Сірыю ВІДЭА
Першы канал Расіі выкарыстаў скрыншот з камп'ютарнай гульні Arma 3 у сюжэце пра Сірыю, які выйшаў у праграме «Нядзельны час» 25 лютага. Прэс-служба тэлеканала патлумачыла гэта памылкай рэжысёра мантажу, паведамляе РБК.
Сюжэт быў прысвечаны расійскай арміі і Дню абаронцы Айчыны. Кадры з гульні ArmA 3 з'явіліся ў эфіры праграмы «Нядзельны час» з подпісам «Дасье. Сірыя» на 2 хвіліне 36 секундзе відэа.
Дырэктар па дыстрыбуцыі распрацоўніка гульні Bohemia Interactive пацвердзіў РБК, што гэта сапраўды быў кадр з ArmA 3.