«Гэта была прыгожая перамога» — Лукашэнка павіншаваў Домрачаву з бліскучым завяршэннем сезона
Аляксандр Лукашэнка павіншаваў біятланістку Дар'ю Домрачаву з бліскучым завяршэннем сезону 2017/2018 года — залатым медалём у апошнім старце этапу Кубка свету ў Цюмені, паведамляе БелТА.
«Гэта была прыгожая перамога ў вельмі прыгожай гонцы. Ты чарговы раз праявіла свае найлепшыя чэмпіёнскія якасці — выбітны талент, выключную працаздольнасць і невычэрпнае імкненне да найвышэйшага выніку», - гаворыцца ў віншаванні.