П'янага бяспраўніка затрымалі восьмы раз за 10 гадоў
У Ждановічах затрымалі бяспраўніка, які сем разоў прыцягваўся да адказнасці за п'яную язду, паведаміла БелТА старшы інспектар па агітацыі і прапагандзе аддзела ДАІ Мінскага раёна Кацярына Сільчанка.
Супрацоўнікі ДАІ 27 сакавіка спынілі Honda Civic. За рулём знаходзіўся кіроўца з відавочнымі прыкметамі алкагольнага ап'янення. У размове з інспектарамі мужчына 1982 года нараджэння паводзіў сябе абуральна, адмовіўся па патрабаванні супрацоўніка ДАІ прайсці агляд на прадмет алкагольнага ап'янення.
Аказалася, што парушэнне здзейснена паўторна на працягу года і кіроўца пазбаўлены права кіравання транспартнымі сродкамі за аналагічнае парушэнне. З 2008 года мужчына ўжо 7 разоў прыцягваўся да адказнасці за язду ў нецвярозым стане.
Кіроўца адхілены ад кіравання транспартным сродкам, аўтамабіль дастаўлены на штрафстаянку.