Найхутчэй прырастае насельніцтва Астраўца і Фаніпаля — топ-25 гарадоў, якія ратуюць дэмаграфічную сітуацыю

Белстат апублікаваў дадзеныя аб колькасці насельніцтва ў гарадах і мястэчках краіны.

Агулам беларусаў за 2017 год паменела на 13 тысяч чалавек, але страты зафіксаваныя перадусім у сельскай мясцовасці.

А вось у многіх гарадах колькасць насельніцтва павялічваецца. 

У працэнтных суадносінах найбольшы рост назіраўся ў Астраўцы. За год насельніцтва горада каля АЭС вырасла на 6%.

Таксама заўважныя змены ў гарадах-спадарожніках Мінска. Там за год стала жыць на 1,5 тысячы чалавек больш.

Фаніпаль прырос за год больш чым на 500 чалавек. Фота vetliva.by

Па-ранейшаму цэнтрам прыцягнення людзей застаюцца абласныя цэнтры. Яны «вымылі» з перыферыі 7,5 тысячы чалавек. На столькі ж павялічылася і насельніцтва Мінска.

Чытайце таксама: Ад 1000 рублёў за метр. Што прапануюць рэгіянальныя забудоўшчыкі? Агляд ад Realt.by

Каментары да артыкула