Беларускія вайскоўцы прэзентавалі дрон з гранатамётам ВІДЭА
Беларускія вайскоўцы ў ходзе вучэнняў на палігоне Ласвіда ў Віцебскай вобласці паказалі ўдарны беспілотнік. Як мяркуецца, дрон абсталяваны савецкай рэактыўнай супрацьтанкавай гранатай РПГ-26 «Аглень», прызначанай для знішчэння бранятэхнікі і пяхоты праціўніка.
РПГ-26 «Аглень» на адлегласці каля ста метраў здольны прабіваць браню таўшчынёй 440 міліметраў, бетонную сцяну таўшчынёй да аднаго метра і цагляны мур таўшчынёй да 1,5 метра.