Пуцін і Трамп сустрэнуцца ў Хельсінкі, а не ў Вене
Сустрэча прэзідэнта Расіі Уладзіміра Пуціна і прэзідэнта ЗША Дональда Трампа, хутчэй за ўсё, пройдзе ў Хельсінкі. Пра гэта са спасылкай на крыніцы пішуць агенцтва Reuters і выданне Politico.
Па словах крыніц Reuters, ад ідэі правесці саміт у Вене вырашана адмовіцца.
Канчатковае рашэнне будзе прынята па выніках візіту дарадцы Трампа Джона Болтана ў Маскву. Тым не менш, па словах крыніцы Politico, удзельнікі падрыхтоўкі сустрэчы зыходзяць з таго, што месцам сустрэчы будзе Хельсінкі.