Еўракамісія аштрафавала Google на 4,3 мільярда еўра за подкуп
Еўракамісія наклала штраф на кампанію Google за парушэнне антыманапольнага заканадаўства. Google прызналі вінаватай па трох пунктах.
У прыватнасці, Еўракамісія прыйшла да высновы, што кампанія выкарыстоўвала незаконныя метады, прымушаючы вытворцаў смартфонаў на Android перадусталёўваць яе сэрвісы і дадаткі.
Таксама Google, на думку Еўракамісія, плаціла мабільным аператарам і вытворцам смартфонаў, каб яны ставілі яе пошукавік, і забараняла выкарыстоўваць аперацыйныя сістэмы, створаныя на базе адкрытага кода Android.
За гэтыя парушэнні яе аштрафавалі на 4,3 мільярда еўра. Google таксама абавязалі ліквідаваць выяўленыя парушэнні. Кампанія мае намер падаць апеляцыю.