Беларуская дэлегацыя выступіла ў Жэневе ў падтрымку рускай мовы ў Гаагскай сістэме
Беларуская дэлегацыя прыняла ўдзел у чарговай сесіі Рабочай групы па прававым развіцці Гаагскай сістэмы міжнароднай рэгістрацыі прамысловых узораў, якая адбылася ў Жэневе.
Беларусь была прадстаўлена начальніцай упраўлення права і міжнародных дамоваў Нацыянальнага цэнтра інтэлектуальнай уласнасці Таццянай Кавалеўскай.
«Дэлегацыя выступіла з дакладам у падтрымку ўключэння рускай мовы ў лік афіцыйных моваў Гаагскай сістэмы», — паведамляе сайт МЗС.
На гэты момант афіцыйнымі мовамі Гаагскай сістэмы з'яўляюцца англійская, французская і іспанская.