У Арменіі арыштавалі былога прэзідэнта
Экс-прэзідэнт Арменіі Роберт Качаран. Скрыншот.
Суд Ерэвана прыняў рашэнне пра арышт на два месяцы экс-прэзідэнта Арменіі Роберта Качарана. Суд праходзіў па справе аб разгоне акцый пратэсту 1 сакавіка 2008 года, паведамляе РБК.
Другому прэзідэнту Арменіі Роберту Качарану прад'яўлена абвінавачанне ў звяржэнні канстытуцыйнага ладу ў рамках справы аб разгоне акцый пратэсту 1-2 сакавіка 2008 года.
Акцыі пратэсту супраць вынікаў прэзідэнцкіх выбараў, на якіх перамог Серж Саргсян, выліліся 1-2 сакавіка 2008 года ў беспарадкі і сутыкненні. У выніку загінулі дзесяць чалавек, больш за 200 былі параненыя.