Лідар апазіцыі Зімбабвэ заявіў пра перамогу на прэзідэнцкіх выбарах

Лідар «Руху за дэмакратычныя перамены» (ДДП) і галоўны апазіцыйны кандыдат на пасаду прэзідэнта Зімбабвэ Нэльсан Чаміса ў аўторак заявіў пра сваю перамогу на праведзеных 30 ліпеня прэзідэнцкіх выбарах.

«Бліскучая перамога … мы выдатна справіліся», - напісаў Чаміса у сваім Twitter, спасылаючыся на вынікі падліку галасоў з 10 тысяч выбарчых участкаў, яго заяву перадае агенцтва Agence France-Presse. «Мы гатовыя да фарміравання новага ўрада», - адзначыў апазіцыйны кандыдат.

Winning resoundingly...We now have results from the majority of the over 10 000 polling stations. We’ve done exceedingly well. Awaiting ZEC to perform their constitutional duty to officially announce the people’s election results and we are ready to form the next gvt.#Godisinit

— Nelson Chamisa (@nelsonchamisa) July 31, 2018

Прэзідэнцкія і парламенцкія выбары ў Зімбабвэ прайшлі ў панядзелак без сур'ёзных інцыдэнтаў і парушэнняў. Гэта восьмыя выбары з моманту атрымання незалежнасці краіны ад Вялікабрытаніі ў 1980 годзе і першыя з тых часоў, як у лістападзе 2017 году ад улады быў адхілены 93-гадовы Роберт Мугабэ, што займаў пасаду кіраўніка дзяржавы на працягу 30 гадоў.

Дарэчы, былы дыктатар Зімбабвэ на выбарах падтрымаў апазіцыю.

Галоўным супернікам Чамісы з'яўляецца дзеючы прэзідэнт Эмерсан Мнангагва, які прыйшоў да ўлады пасля адхілення Мугабэ. Мнангагва таксама пракаментаваў вынікі галасавання, напісаўшы ў Твітары, што «інфармацыя ад нашых прадстаўнікоў на месцах надзвычай станоўчая».

Good morning Zimbabwe. I am delighted by the high turnout and citizen engagement so far. The information from our reps on the ground is extremely positive! Waiting patiently for official results as per the constitution.

— President of Zimbabwe (@edmnangagwa) July 31, 2018

Афіцыйныя вынікі маюць быць агучаныя ў суботу, 4 жніўня.

Каментары да артыкула