У Таліне адкрылі помнік ахвярам камунізму ФОТЫ
Прэзідэнт Эстоніі на адкрыцці помніка ахвярам камунізму. Фота: Эстонскае радыё.
У Таліне адкрылі мемарыял памяці ахвяр камунізму, паведамляе эстонскае радыё. На ім выбітыя імёны больш за 22 тысяч эстонцаў, якія загінулі ў выніку дзеянняў савецкай улады.
Удзел у цырымоніі адкрыцця манумента прынялі прэзідэнт Эстоніі Керсці Кальюлайд і міністр юстыцыі Урмас Рэйнсалу. Акрамя таго, на цырымонію запрасілі больш за 500 чалавек, рэпрэсаваных у гады СССР.
Мемарыял у раёне Маар'ямяэ складаецца з дзвюх частак. Першая з іх, якая мае назву «Шлях», уяўляе сабой дзве сцяны, на якіх выбітыя імёны загінуўшых у выніку рэпрэсій эстонцаў. Наведвальнікі, якія праходзяць уздоўж іх, трапляюць у частку мемарыяла пад назвай «Хатні сад», дзе знаходзяцца фруктовыя дрэвы. На будаўніцтва мемарыяла выдаткавалі каля €6 мільёнаў. Яго адкрыццё было прымеркавана да агульнаеўрапейскага дня памяці ахвяр таталітарных рэжымаў (23 жніўня).
Фота: Эстонскае радыё.
Фота: Эстонскае радыё.
Фота: Эстонскае радыё.