У Мінску работнікі ДАІ выратавалі мужчыну ад суіцыду
Інцыдэнт адбыўся 1 верасня. Міліцыянты Аляксандр Гідлеўскі і Дзмітрый Конюх дзяжурылі на вуліцы Уральскай і заўважылі на трэцім паверсе шматпавярховіка чалавека, які стаяў на самым краі акна і крычаў, што саскочыць, піша БелТА.
Дзмітрый Конюх спрабаваў наладзіць дыялог з мужчынам на вуліцы, а Аляксандр Гідлеўскі гутарыў з ім, зайшоўшы ў кватэру. Яму ўдалося завесці мужчыну назад у пакой.
На месца прыбыла хуткая, дактары аказалі мужчыну дапамогу.