У Гомелі з акна выпала трохгадовая дзяўчынка
З акна другога паверха ў Гомельскім раёне выпала трохгадовая дзяўчынка. Дзіця атрымала траўмы, але засталося жывое, піша АНТ.
Няшчасны выпадак здарыўся ў мікрараёне Гомеля Юбілейны. Дзяўчынка 2015 года нараджэння выпала з акна другога паверха. Абставіны, пры якіх адбыўся інцыдэнт, пакуль не вядомыя, але паведамляецца, што цяпер жыццю нічога не пагражае.
Сям'я, у якой выхоўваецца дзяўчынка, шматдзетная. На ўліку не знаходзіцца.