Сіноптыкі: удзень 17 верасня будзе +23, але ўначы ўсяго +3
Пераменная воблачнасць і пераважна без ападкаў будзе ў Беларусі 17 верасня, паведамілі БелТА сіноптыкі.
У панядзелак у начныя і ранішнія гадзіны ў асобных раёнах слабы туман. Вецер заходні, паўднёва-заходні, умераны, днём парывісты. Тэмпература паветра ў начныя і ранішнія гадзіны панізіцца да 6-11 градусаў цяпла, месцамі да плюс 3-5 градусаў, у другой палове дня павысіцца да 17-23 градусаў.