Coca-Cola вырабіць газіроўку з марыхуанай
Coca-Cola плануе пашырыць лінейку прадуктаў за кошт марыхуаны, паведамляе Bloomberg. Разглядаецца магчымасць узбагаціць напой канабідыёлам (КБД). Гэта рэчыва, якое змяшчаецца ў марыхуане, зніжае боль, але не мае псіхаактыўнага эфекту.
Зараз ідуць перамовы з канадскім вытворцам марыхуаны Aurora Cannabis Inc. аб сумеснай вытворчасці новага напою.
Хізэр МакГрэгар, прадстаўнік Aurora Cannabis Inc., у сваю чаргу заўважыў, што кампанія вельмі зацікаўлена ў выхадзе на рынак безалкагольных напояў.
Пасля таго, як стала вядома аб планах Coca-Cola, акцыі вытворцаў канабісу пайшлі ўверх.