Дэпард'ё паехаў у Паўночную Карэю і сказаў, што хоча атрымаць яшчэ адно грамадзянства
Акцёр Жэрар Дэпард'ё заявіў аб жаданні атрымаць грамадзянства Турцыі, паведамляе РБК са спасылкай на турэцкую газету Aydinlik.
Адзначаецца, што такую заяву ён зрабіў у Пхеньяне, дзе знаходзіцца з візітам разам з Асацыяцыяй дружбы КНДР — Францыя. Паводле газеты, акцёр заявіў, што мае намер наведаць Турцыю ў кастрычніку і абмеркаваць атрыманне грамадзянства з прэзідэнтам краіны Рэджэпам Таіпам Эрдаганам.
7 верасня стала вядома, што Дэпард'ё прыбыў у Пхеньян на мерапрыемствы ў гонар 70-годдзя ўтварэння КНДР. Акцёра заўважылі ў бары гатэля «Янгакто».
Дэпард'ё атрымаў грамадзянства Расіі ў 2013 годзе, пасля таго як Францыя ўвяла 75-працэнтны падатак на даходы звыш €1 мільён. Акцёр атрымаў рэгістрацыю ў Саранску і стаў уладальнікам кватэры ў Грозным.