У Магілёве ніяк не могуць знайсці гаспадара прыпаркаванага ровара
Ужо два тыдні ў двары дома № 54 па вуліцы Чалюскінцаў у Магілёве прыпаркаваны ровар, па які ніхто не прыходзіць. Гэта той рэдкі выпадак, калі ровар шукае гаспадара, а не наадварот.
Кажуць, што за час сваёй адзіноты ровар ні кроплі не пацярпеў. Усе дэталі на месцы, колы цэлыя. Двор ажыўлены, таму мясцовыя жыхары не адразу здолелі вылічыць веласіпедыста. Адзін з жыхароў кажа, што ведае, як выглядае гаспадар гэтага ровара. І спадзяецца, што той знойдзецца.