У Мікранэзіі пры аварыйнай пасадцы самалёта на ваду прапаў пасажыр
Самалёт авіякампаніі Air Niugini напярэдадні здзейсніў аварыйную пасадку на ваду ў Мікранэзіі. Паводле першых паведамленняў, ніхто не пацярпеў.
Аднак крыху пазней кампанія паведаміла, што недалічылася аднаго з 36 пасажыраў.
У заяве кампаніі на афіцыйным сайце сказана, што месцазнаходжанне мужчыны невядома. «Мы працуем з мясцовымі ўладамі, бальніцамі і следчымі, каб вызначыць месцазнаходжанне гэтага пасажыра», — гаворыцца ў паведамленні.