Яшчэ ў адным раёне забаранілі прадаваць алкаголь ноччу
У Жлобінскім раёне следам за сталіцай забаранілі продаж алкаголю (у тым ліку і піва) уначы. Рашэнне апублікаваў сайт райвыканкама.
«Сухі закон» будзе дзейнічаць з 1 кастрычніка 2018 года па 1 кастрычніка 2019 года. Продаж алкаголю будзе забаронены з 23.00 да 7.00.
Абмежаванне не тычыцца кафэ і рэстаранаў пры продажы алкаголю на разліў.