Трое беларусаў пацярпелі пры сутыкненні цягніка Мінск — Адлер з грузавіком у Краснадарскім краі
Трое беларусаў пацярпелі пры сутыкненні цягніка Мінск-Адлер з грузавіком ў Краснадарскім краі, паведаміў БЕЛТА начальнік упраўлення інфармацыі і лічбавай дыпламатыі — прэс-сакратар Міністэрства замежных спраў Анатоль Глаз.
«Паводле папярэдняй інфармацыі, трое грамадзян Беларусі звярнуліся па медыцынскую дапамогу. Сітуацыя ўдакладняецца пасольствам Беларусі ў Расіі», - сказаў Анатоль Глаз.
Як паведамілі ў прэс-цэнтры БЧ, сярод пацярпелых беларусаў адзін дарослы і двое дзяцей. Медыцынская дапамога была аказана на месцы, без шпіталізацыі, стан пацярпелых здавальняючы. Пасажыры працягнулі паездку да станцыі прызначэння ў суправаджэнні медыцынскага персаналу.