У Буда-Кашалёве на пажары згарэлі маці і сын
У пятніцу вечарам у Буда-Кашалёве на пажары загінулі маці і сын, паведамляе МНС.
У той вечар дома знаходзіліся 55-гадовы мужчына і яго 94-гадовая маці. 45-гадовая сужыцелька ў той вечар была на працы, што і выратавала яе ад смерці.
Абгарэлыя трупы ратавальнікі знайшлі ў палаючым пакоі.
Паводле папярэдніх даных, прычына пажару — неасцярожнае абыходжанне з агнём пры курэнні.