Міністр замежных спраў Аўстрыі адмяніла візіт у Расію з-за справы аб шпіянажы. Пуцін быў у яе на вяселлі
У жніўні Пуцін заскочыў да Кнайсль на пару гадзін на вяселле і нават патанцаваў з ёй, фота Life Shot
Кіраўнік МЗС Аўстрыі Карын Кнайсль адмяніла паездку ў Расію з-за затрымання адстаўнога аўстрыйскага вайскоўца па падазрэнні ў працы на расійскую разведку. Пра гэта абвясціў канцлер Аўстрыі Себасцьян Курц.
Прадстаўнікі расійскага пасольства ў Аўстрыі былі выкліканы ў МЗС 9 лістапада.
Кнайсль збіралася прыехаць у Маскву на пачатку снежня.