У цэнтры Светлагорска зноў скралі «жамчужыну» са скульптуры
Скульптура «Жамчужына Сусвету», усталяваная на Цэнтральнай плошчы Светлагорска, зноў пацярпела. Каму спатрэбіўся гранітны шар, незразумела, але на днях ён знік.
«Жамчужыну Сусвету» светлагорскага скульптара і мастака Аляксандра Камардзіна ўсталявалі ў 2006 годзе. Літаральна праз год «Жамчужына» пацярпела ад рук вандалаў.
Да 55-годдзя Светлагорска Аляксандр Камардзін адрэстаўраваў скульптуру. Першапачаткова шар быў зроблены з мармуру. Пасля рэстаўрацыі ў цэнтры статуі з'явілася гранітная жамчужына. І вось зноў нехта яе выкраў.