Пуцін пра ўлады Украіны: Калі заўтра яны захочуць есці немаўлят на сняданак, ім пададуць і немаўлят
Уладзімір Пуцін заявіў, што ўкраінскі ўрад актыўна прадае антырасійскія настроі, паведамляе «РИА Новости».
Фота: kremlin.ru.
«Кіеўскія ўлады актыўна прадаюць антырасійскія настроі. У іх нічога іншага няма. І ўсё ім сыходзіць з рук. Калі заўтра яны захочуць есці немаўлят на сняданак, ім, напэўна, пададуць і немаўлят. Скажуць: яны ж хочуць есці! Але гэта вельмі блізарукая пазіцыя», — цытуе аўтар артыкула Пуціна.
Пуцін таксама выказаў меркаванне, што ўкраінскі народ дасць ацэнку кіраўніцтву краіны, як грузінскі народ даў ацэнку дзейнасці свайго былога прэзідэнта Міхаіла Саакашвілі.